ივანიშვილმა საკუთარ თავზე მოირგო მთელი სახელმწიფო, – ასე აფასებს არმაზ ახვლედიანი ივანიშვილის ალიევთან შეხვედრას. მისი თქმით, ქვეყანაში ავტორიტარიზმი ღრმავდება, რაც გუშინდელმა ვიზიტმაც ცხადყო.
ამასთან, “ოცნების” ყოფილი ლიდერი ივანიშვილ-კობახიძის ფარულ დაპირისპირებაზე საუბრობს – ინფორმაციას “ტვ პირველი” ავრცელებს.
“არაფერი ხდება ახალი გარდა იმისა, რომ საქართველოში ღრმავდება ავტორიტარიზმი და ამ პირობებში არავის უნდა გაგვიკვირდეს, რომ ივანიშვილმა მოირგო საკუთარ თავზე მთელი სახელმწიფო. როგორც ჩანს, ბრძოლა კულუარებში ივანიშვილს და შესაძლოა, კობახიძის შორის ჯერ კიდევ არ არის დასრულებული” – ამბობს არმაზ ახვლედიანი.
ბიძინა ივანიშვილი თბილისში ვიზიტით მყოფ აზერბაიჯანის პრეზიდენტს, ილჰამ ალიევს და მის დელეგაციას ბიზნეს ცენტრში უმასპინძლა. შეხვედრას ესწრებოდნენ საქართველოს მთავრობის მაღალი რანგის წარმომადგენლები, მათ შორის პრემიერ-მინისტრი ირაკლი კობახიძე, ეკონომიკის მინისტრი მარიამ ქვრივიშვილი და საგარეო საქმეთა მინისტრი მაკა ბოჭორიშვილი. შეხვედრის ამსახველი კადრები პარტია „ქართული ოცნების“ მიერ გავრცელდა.