რუსეთში კავშირგაბმულობის ოპერატორების, თანამგზავრული კომპანიებისა და ბანკების ვებგვერდები და აპლიკაციები გაითიშა – ინფორმაციას გამოცემა Медуза ვებგვერდების მუშაობის მონიტორინგის Telegram-არხზე – Sboi.rf – დაყრდნობით ავრცელებს და წერს, რომ შეფერხებები შეექმნა: Rostelecom-ს, Alfa-Bank-ს, NTV Plus-ს, Tricolor-ს, Gosuslugi-ს, T2-ს და Mosenergosbyt-ს, Sberbank-ს, Gazprombank-ს, Okko-სა და World of Tanks-ის სერვისებს.
Rostelecom-მა, რომელიც რუსეთის უმსხვილესი სატელეკომუნიკაციო კომპანია და ქვეყნის მასშტაბით ინტერნეტის, ციფრული ტელევიზიისა და მობილური კავშირის ძირითადი პროვაიდერია, განაცხადა, რომ 6 აპრილს საღამოს მათ ქსელზე მძლავრი კიბერთავდასხმა დაფიქსირდა, თუმცა “ქმედებები ოპერატიულად იქნა ნეიტრალიზებული”