ჯარში გაწვევის წესები მკაცრდება – წვევამდელი, რომელიც საზღვარგარეთ იმყოფება, ვალდებული იქნება, ჯარში გაწვევის შეტყობინების მიღებისთანავე საქართველოში გონივრულ დროში დაბრუნდეს და კომისიის წინაშე გამოცხადდეს. იცვლება უწყების ჩაბარების წესებიც, თუკი წვევამდელთან დაკავშირება და მისთვის უწყისის ჩაბარება და მასთან დაკავშირება ვერ მოხერხდა, უწყისი საიტზე აიტვირთება და ჩაბარებულად ჩაითვლება.
თავდაცვის მინისტრის მოადგილე განმარტავს, მოუწევთ თუ არა სმს შეტყობინების მიღებისთანავე საქართველოში დაბრუნება წვევამდელი ასაკის მქონე ახალგაზრდებს. ირკვევა რომ თუ წვევამდელს უცხოეთში სწავლის დამადასტურებელი დოკუმენტი აქვს, სპეციალური კომისია იმსჯელებს გადაუვადოს თუ არა მას სავალდებულო სამხედრო სამსახური.
ხელისუფლების ოპონენტები აცხადებენ, რომ ქვეყნის თავდაცვის უნარიანობისთვის “ქართულ ოცნებას” არაფერი გაუკეთებია. იხსენებენ თავდაცვის ყოფილ მინისტრს, რომელიც ჯარისკაცების ფულის მოპარვის გამო ციხეში ჩასვეს. ცოტახნის წინ დააკავეს კომპანიის წარმომადგენლები, ვინც ჯარისკაცებს, ვადაგასული საჭმლით ამარაგებდა. ხელისუფლების ოპონენტები აცხადებენ, რომ “ქართული ოცნების” მხრიდან ეს ცვლილებებიც, ახალი რეპრესიებისთვის იქნება გამოყენებული.