უკრაინის პრეზიდენტი, ვოლოდიმირ ზელენსკი სირიის პრეზიდენტს შეხვდა – ამის შესახებ ის სოციალურ ქსელში წერს:
“შევთანხმდით ერთობლივ მუშაობაზე, რათა ჩვენს საზოგადოებებს მეტი უსაფრთხოება და განვითარების მეტი შესაძლებლობა შევუქმნათ.
განვიხილეთ რეგიონში არსებული ვითარება და მისი უკეთესობისკენ შეცვლის პერსპექტივები. ასევე მიმოვიხილეთ უკრაინის წინააღმდეგ რუსეთის ომის გარემოებები – მადლობელი ვარ მხარდაჭერისთვის. არსებობს დიდი ინტერესი სამხედრო და უსაფრთხოების გამოცდილების გაზიარების მიმართ. ვაფასებ ჩვენი ხალხის მიმართ გამოთქმულ პატივისცემის სიტყვებს.
ასევე შევეხეთ უკრაინის, როგორც საკვები პროდუქტების საიმედო მიმწოდებლის როლს და განვიხილეთ ერთობლივი შესაძლებლობები მთელ რეგიონში სასურსათო უსაფრთხოების გასაძლიერებლად. ჩვენ კარგად გვესმის ის ენერგეტიკული და ინფრასტრუქტურული გამოწვევები, რომელთა წინაშეც ახლა სირია დგას. მზად ვართ ერთობლივი მუშაობისთვის, რათა გაფართოვდეს ჩვენი სახელმწიფოებისა და ხალხების შესაძლებლობები” – წერს ზელენსკი