გორში, კომბინატის დასახლების ტერიტორიაზე, მანქანა ქვეით ბავშვს დაეჯახა – ინფორმაციას Interpressnews ავრცელებს. მათი ცნობით, 10 წლის ბავშვმა სხეულის დაზიანებები მიიღო – ის კლინიკაში გადაიყვანეს. დაშავებულის სიცოცხლეს საფრთხე არ ემუქრება.
არსებული ინფორმაციით, მოზარდი საცხოვრებელი კორპუსის მიმდებარედ თანატოლებთან ერთად ბურთით თამაშობდა და ავტომობილების სავალ გზაზე გადავარდნილ ბურთს გაეკიდა, რა დროსაც მას ავტომობილი დაეჯახა.
მომხდართან დაკავშირებით გამოძიება სსკ-ის 276-ე მუხლის მე-2 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.