ახალქალაქის, კუმურდოსა და კარის მიტროპოლიტი, მეუფე ნიკოლოზ ფაჩუაშვილი ამბობს, რომ დღეს სინოდი მათ შორის ისეთ საკითხებზე იმსჯელებს, როგორიცაა პატრიარქის ასაკი და განათლება.
როგორც მაღალმა იერარქმა სინოდის სხდომის დაწყებამდე ჟურნალისტებთან განაცხადა, განათლებასთან დაკავშირებით ყველაფერს დააზუსტებენ და სხდომის შემდეგ ამაზე საჯაროდ ისაუბრებენ.
“ტვ პირველის” ჟურანლისტის კითხვაზე, “აუცილებელია თუ არა თეოლოგის დიპლომი ახალი პატრიარქისთვის” – მეუფე ნიკოლოზი ამბობს: “ვნახოთ”
“განვიხილავთ ამ ყველაფერს სინოდის სხდომაზე და რომ დამთავრდება მერე მოგიყვებით ყველაფერს. განათლებასთან დაკავშირებითაც ყველაფერს დაგიზუსტებთ. სინოდი მაგიტომ შეიკრიბა, რომ მაგ საკითხებზე ვიმსჯელოთ.
(ტვ პირველის ჟურნალისტი – აუცილებელია დიპლომი?) – ვნახოთ… სინოდის მერე ყველაფერს გეტყვით, ვიმსჯელებთ ამაზე”, – თქვა მეუფე ნიკოლოზმა.
საპატრიარქოშიი სინოდის სხდომა მიმდინარეობს. კათოლიკოს-პატრიარქ ილია მეორის გარდაცვალების შემდგომ ეს წმინდა სინოდის პირველი სხდომაა.