ცურტაველმა მიტროპოლიტმა გადაცემა “რეაქციაში“ იმ მთავარ საკითხებზე ისაუბრა, რაზედაც ხვალინდელ სინოდის სხდომაზე იქნება საუბარი.
მეუფე ვახტანგმა 2 ძირითადი თემა – განათლების და ასაკის საკითხი გამოყო და აღნიშნა, რომ ის სინოდს შესტავაზებს, საპარტიარქო ასაკს 2 წელი დაემატოს, თუმცა, მოხდება თუ არა ამაზე შეთანხმება სინოდის წევრებს შორის, დარწმუნებით ვერ თქვა.
ასევე მნიშვნელოვან თემად მიიჩნია განათლების საკითხიც და განაცხადა, რომ პატრიარქს ჰარვარდის განათლებაც რომ ჰქონდეს, აუცილებლია, თეოლოგია იცოდეს.
ხვალ სერიოზული გადაწყვეტილებები იქნება მიღებული, იმ თვალსაზრისით, რომ საჭიროა უფრო კონკრეტული სახე ჩამოყალიბდეს. უნდა განვიხილოთ მართვა-გამგეობის დებულება. განიხილება განათლების და ასაკის საკითხი. პროცედურა ისეთი რამაა, რომ ექვემდებარება განსჯას. ყველას ექნება თავისი სიტყვა, კონკრეტული აზრი და ჩამოვყალიბდებით. არის საკითხები, რომელზედაც კონკრეტული თვალსაზრისით უნდა მივიღოთ გადაწყვეტილება. ასაკი – როგორ უნდა განისაზღვროს საპატრიარქო ასაკი. უნდა იყოს აუცილებლად მინიმუმ 40 წლის ასაკის, მაქსიმალური კი 70 წელი არსებობს. ხვალ უნდა მივიღოთ პრინციპული გადაწყვეტილება, ეს იქნება 70 წელი, თუ კიდევ დავამატოთ 2 წელიწადი. ყველაფერი შესაძლებელია. გააჩნია ჩვენი სინოდის წევრები როგორც ჩამოვყალიბდებით. მეორე – აუცილებელია საპატრიარქო კანდიდატს ჰქონდეს თეოლოგიური განათლება, საღვთისმეტყველო განათლება, ეს აუცილებელი პირობაა. შეიძლება ადამიანებს ჰარვარდი ჰქოდნეს დამთავრებული, მაგრამ აუცილებელი ყოფილა თეოლოგიური განათლება. ეს არის გადასაწყვეტი და მსიაღები- აუცილებელია საპატრიარქო კანდიდატს ჰქონდეს თეოლოგიური განათლება და ზოგადადაც განათლებული ადამიანი უნდა იყოს, – თქვა მუეფემ.