“არამდგრადი ამინდის პირობების მხრივ გაზაფხული რეალურად ახლა იწყება” – მეტეოროლოგი მოსახლეობას აფრთხილებს

უახლოესი დღეების განმავლობაში მოსალოდნელი ამინდის შესახებ მეტეოროლოგი კობა ფარტენაძე მოსახლეობას აფრთხილებს:

“არამდგრადი ამინდის პირობების მხრივ გაზაფხული რეალურად ახლა იწყება.

საქართველოში გაზაფხულის პროცესები აქტიურად იწყება. ტემპერატურის მატება ხელს უწყობს ბუნების გაღვიძებას, თუმცა ამასთან ერთად, მოსალოდნელია ამინდის არასტაბილურობა.

მომდევნო დღეებში შესაძლებელია კულუმუსის ღრუბლების გამოჩენა, რაც ხშირად ქარს, წვიმას და ელჭექით მოასწავებს.
ეს გარდამავალი პერიოდი – მზის სხივებსა და მოულოდნელ შტორმებს შორის გაზაფხულის ნამდვილ ხასიათს ასახავს: სიფაქიზე, სიურპრიზი და სიცოცხლის დაბრუნება.

კონკრეტულად, ხვალ 3 აპრილს – სანაპირო კურორტებზე უნალექო და თბილ დღეს, დღის მეორე ნახევარში ქარიანი ამინდი შეცვლის და გაწვიმდება, ელჭექით.

დასავლეთის დაბლობზე – ასევე უნალექო ამინდი იქნება და საღამოს გაავდრდება, იქნება წვიმა ელჭექით.

აღმოსავლეთის ბარში და დედაქალაქში – დღის ბოლოს გაწვიმდება და მომდევნო დღეებში ნაკლები წვიმით, მაგრამ ქარიანი ამინდებია მოსალოდნელი.
ასე, რომ მიმდინარე კვირაში, უმეტესად, არასტაბილური ამინდია მოსალოდნელი, მზიანი ამინდის ხშირი შეცვლა საღამოობით წვიმით და ძლიერი ქარით.

გთხოვთ, გაითვალისწინოთ: ატმოსფერული წნევა იქნება ძალიან ცვალებადი. განსაკუთრებით ფრთხილად უნდა იყვნენ ისინი, ვისაც ჯანმრთელობის პრობლემები აქვს – თავს გაუფრთხილდით.

ცვალებადი ამინდი შეგვახსენებს, რომ ცხოვრება არასოდეს არის ერთფეროვანი – იყავით ძლიერი და მშვიდი. გაზაფხული მოდის ჯერ ქარით და წვიმით, მერე კი ყვავილებით – გაუძლეთ ამ გზას, რადგან სილამაზე ახლოსაა” – წერს კობა ფარტენაძე.