კახა კალაძემ 2025 წელს 294 900 დოლარისა და 135 313 ევროს ღირებულების 4 ავტომანქანა იყიდა, ამავე წელს კი ოთხივე მანქანა გაყიდა, ასევე გაყიდა 2024 წელს შეძენილი MERCEDES-BENZ AMG, – ამის შესახებ სტუდია “მონიტორი“ წერს.
მათი ინფორმაციით, მთლიანობაში, 2025 წელს თბილისის მერმა მანქანების გაყიდვიდან შემოსავლის სახით მიიღო $494,900 და €110,750.
სტუდია “მონიტორი“ დეტალურად მიმოიხილავს რა ფასში იყიდა და შემდეგ გაყიდა კალაძემ კუთვნილი ავტომობილები.
200,000 აშშ დოლარად ნაყიდი FERRARI 296 GTB კალაძემ ყიდვიდან 20 დღეში იმავე ფასად გაყიდა;
94,900 დოლარად შეძენილი LAND ROVER DEFENDER კი ყიდვიდან 10 დღეში გაასხვისა, ასევე, იმავე ფასად;
41,750 ევროდ ნაყიდი MINI JCW კალაძემ ყიდვიდან 4 თვეში გაყიდა 36,750 ევროდ;
93,563 ევროდ ნაყიდი BMW M4 მერის ცოლმა ყიდვიდან 11 თვეში 74,000 ევროდ გაყიდა.
კიდევ ერთი მანქანა – MERCEDES-BENZ AMG კალაძემ 2024 წლის სექტემბერში იყიდა 150,000 აშშ დოლარად; ყიდვიდან 6 თვეში კი ეს მანქანა მან 200,000 აშშ დოლარად გაყიდა.
მთლიანობაში, 2025 წელს თბილისის მერმა მანქანების გაყიდვიდან შემოსავლის სახით მიიღო $494,900 და €110,750.