საქართველოს პარლამენტის მიმდებარე ტერიტორიიდან მთაწმინდის პანთეონის მიმართულებით მსვლელობა ლოზუნგით – “ერთად მოვიპოვეთ, ერთად დავიცავთ დამოუკიდებლობას!” გაიმართა.
როგორც მსვლელობის მონაწილეები ამბობენ, 31 მარტი საქართველოს დამოუკიდებლობის აღდგენის საერთო სახალხო რეფერენდუმისა და ზვიად გამსახურდიას დაბადების დღეა და მსვლელობა სწორედ ამ ისტორიულ ფაქტთან დაკავშირებით მოეწყო.
მსვლელობის მონაწილეებს თან ჰქონდათ საქართველოს სახელმწიფო დროშები. ისინი მთაწმინდის პანთეონში მივიდნენ სადაც პირველ პრეზიდენტს, ზვიად გამსახურდიას მიაგეს პატივი.
როცა ხელისუფალს ზვიადის სახელის წარმოთქმაც კი უჭირს, ის ხელისუფალი ქართულ საქმეს ვერ გააკეთებს. მთელი დღის განმავლობაში ვერ ახსენა ვერცერთმა ზვიად გასმახურდიას სახელი. მინდა, ქართველ ხალხს მივულოცო გამსახურდიას დაბადების დღე და კიდევ ერთხელ გიმეორებთ- უნიკალური რეფერენდუმი, ერთადერთი და განუმეორებელი საქართველოს დამოუკიდებლობის დღეს, – თქვა მსვლელობის მონაწილემ.