67 წლის პენსიონერ ქალს ტროტუარზე დგომის გამო ადმინისტრაციული პატიმრობა ემუქრება. ქეთევან ხარაძის საქმეზე სასამართლო ამ წუთებში მსჯელობს.
მგონი ჩვენს ქვეყანაში დემოკრატია უკვე გააუქმეს – ამბობს აქტივიტი პენსიონერი, რომელიც საბრალდებო სკამზე ზის.
“ტროტუარზე დგომის გამო ვარ აქ. კადრები აჩვენეს… რავიცი ჩვენს ქვეყანაში დემოკრატია უკვე გააუქმეს მემგონი. არანაირი დარღვევა კანონთან არ მქონია. ყველაფერს ველოდებით, მზად ვარ ყველაფრისთვის”, – ამბობს ქეთევან ხარაძე.
ტროტუარების და გზის გადაკეტვის გამო დღეს სასამართლოში უწყვეტი პროტესტის 5 მონაწილეა დაბარებული. მათ შორის არის ანუკი ჩრდილელიც.
ზვიად ცეკვავა, დავით მაკარაძე და თორნიკე კაპანაძე – ეს ის მოსამართლეები არიან, რომლებმაც დღეს აქტივისტების საქმეზე გადაწყვეტილებები უნდა გამოაცხადონ.