ФСБ რუსეთიდან ბრიტანელ დიპლომატს აძევებს – ინფორმაციას ოპოზიციური მედია Дождь ავრცელებს. მათივე ცნობით, ბრიტანელ დიპლომატს, იანსე ვან რენსბურგ ალბერტუს ჯერარდუსს, აკრედიტაცია უკვე გაუუქმდა და ქვეყანა უნდა დატოვოს.
ФСБ ამტკიცებს, რომ აღმოაჩინა მტკიცებულებები, სადაც დიპლომატი მონაწილეობდა „რუსეთის ფედერაციის უსაფრთხოებისთვის საფრთხის შემცველ სადაზვერვო და დივერსიულ საქმიანობაში, ასევე ცდილობდა კონფიდენციალური ინფორმაციის მოპოვებას რუს ეკონომიკურ ექსპერტებთან არაფორმალური შეხვედრების დროს“.
ФСБ ირწმუნება, რომ რომ დიპლომატმა „ბრიტანულ მხარეს განზრახ მიაწოდა ცრუ ინფორმაცია, რითაც დაარღვია რუსეთის კანონმდებლობა“
ბრიტანელ დიპლომატს „რუსეთის დატოვება ორი კვირის განმავლობაში უბრძანეს“.