ყურებს დავაჭრი მაგათ, ივანიშვილსაც – ასე პსუხობს ბიზნესმები ვალერიანე ქოჩიაშვილი “ტვ პირველის” შეკითხვას იმის შესახებ, საქმის კურსშია თუ არა “ოცნება”, რომ მისმა კომპანიამ ოკუპირებულ დონეცკთან სავაჭრო შეთანხმება დადო.
“გავაფრთხილებ “ქართულ ოცნებას”, რომ დამეხმარონ, თორემ მაგათ ყურებს დავაჭრი ყველას, ივანიშვილსაც ყურებს დავაჭრი” – ამბობს ბიზნესმენი “ტვ პირველთან” სატელეფონო საუბარში.
ოკუპირებულ დონეცკთან სავაჭრო კავშირის შესაძლო დაწყების შესახებ ინფორმაცია ვრცელდება. რუსეთის მიერ მიტაცებულ უკრაინულ ტერიტორიაზე, ქართველი ბიზნესმენის სახელით შეთანხმება უკვე გაფორმდა.
არსებული ცნობებით, ბიზნესმენმა ვალერიანე ქოჩიაშვილმა დე ფაქტო ხელისუფლების წარმომადგენლებს დაჰპირდა, რომ დონეცკიდან საქართველოში ქვანახშირისა და ლითონის შემოტანას უზრუნველყოფს. ის, რომ ხელშეკრულება უკვე ამოქმედებულია, თავად ქოჩიაშვილიც ადასტურებს.