სასამართლომ ფოტოგრაფ გიორგი თარხნიშვილის „ტროტუარის საქმე“ შეწყვიტა. გადაწყვეტილება დავით მაკარაძემ მიიღო. – ინფორმაციას “რადიო თავისუფლება” ავრცელებს.
მოსამართლე დავით მაკარაძემ თბილისის საქალაქო სასამართლოში გამოცხადებული გადაწყვეტილებით შეწყვიტა ფოტოგრაფ გიორგი თარხნიშვილის წინააღმდეგ შინაგან საქმეთა სამინისტროს მიერ დაწყებული ადმინისტრაციული საქმის წარმოება. გადაწყვეტილება დღეს, 27 მარტს გამოცხადდა.
შსს ფოტოგრაფს 18 დეკემბერს ტროტუარზე ფეხით მოსიარულეებისთვის დაბრკოლების შექმნას ედავებოდა.
გასულ კვირას სასამართლომ შეწყვიტა „რადიო თავისუფლების“ ჟურნალისტის, ზურა ხიდაშელის საქმეც.
სასამართლო ასევე განიხილავს „ნეტგაზეთის“, „ტაბულასა“ და „მედიაჩეკერის“ ჟურნალისტების საქმეებს. სასამართლოს ამ საქმეებზე გადაწყვეტილება ჯერ არ მიუღია.