ხმაური და ჯგუფური დაპირისპირება იყო გვიან ღამით ახალგაზრდებს შორის მარნეულში. შემთხვევა დაჭრით დასრულდა – ადგილობრივი გამოცემის, 24News.ge-ს ინფორმაციით, დაჭრილია ერთი პირი, რომელიც კლინიკაშია გადაყვანილი. გამოცემა წერს, რომ მისი მდგომარეობა სტაბილურია.
გამოცემის ცნობით, შემთხვევის ადგილას მობილიზებული იყო პოლიცია და სასწრაფო სამედიცინო დახმარების ჯგუფები. ფაქტთან დაკავშირებით მიმდინარეობს გამოძიება. არაოფიციალური ინფორმაციით, დაკავებულია ერთი პირი.