“დაგვიბრუნეთ სკოლა” – თბილისის მე-14 საჯარო სკოლასთან კვლავ საპროტესტო აქცია გაიმართა.
ადგილზე შეიკრიბნენ მოსწავლეები და მათი მშობლები. მათი კითხვა, თუ როდის აშენდება სკოლა, ხელისუფლების მხრიდან ისევ პასუხგაუცემელი რჩება.
თბილისის მე-14 საჯარო სკოლა უკვე 4 წელია დანგრეულია, თუმცა “ქართულ ოცნებას” ახალი სასწავლო დაწესებულების მშენებლობა ჯერ კიდევ არ დაუწყია.
მოსწავლეების მშობლები ადგილზე ინფრასტრუქტურის მინისტრის მისვლას და პასუხებს ითხოვენ. მათი თქმით ისინი არ გაჩერდებიან და საპროტესტო აქციებს გააგრძელებენ.
“4 წელია გვატყუებენ, რომ დაიწყება სკოლის მშენებლობა, 4 წელი არ არის 4 თვე, 4 დღე, საკმაოდ დიდი დროა. გუშინაც ვთქვი, რომ 2 წელიწადში თუ ამხელა კორპუსის მშენებლობა ხორციელდება, როგორ შეიძლება რომ ვერ მოხერხდეს 3 სართულიანი სკოლის აშენება 4 წლის მანძილზე. ჩვენ არ გავჩერდებით, გავაგრძელებთ საპროტესტო აქციებს,” – ამბობს ერთ-ერთი მშობელი.