“მმართველი ელიტა პენსიონერებს ადამიანებად არ თვლის” – ამის შესახებ ეროვნული ბანკის ყოფილმა მმართველმა, რომან გოცირიძემ განაცხადა.
მისი თქმით, რეალური მსყიდველობით უნარიანობის მიხედვით, 13 წელიწადში პენსია 25 ლარით გაიზარდა.
პენსია, რა თქმა უნდა, ასახავს ერთის მხრივ ეკონომიკის მდგომარეობას და მეორეს მხრივ მმართველი ელიტის დამოკიდებულებას ადამიანებისადმი, ადამიანებად არ თვლიან, თუ ამას შევაფასებთ მორალურად და პოლიტიკურად.
ჩვენს ქვეყანაში არის 800 ათასი პენსიონერი, აქედან უდიდესი ნაწილი მისი არის ასაკობრივი პენსიონერი, რომლებიც არიან ქალები 60-დან 70 წლამდე და კაცები 65-დან 70 წლამდე. ამ 70 წლამდე პენსიონერების პენსია არის 370 ლარი, მისი მსყიდველობით უნარიანობა, იმ გაყალბებული ფასების მაჩვენებლით, რასაც მთავრობა აცხადებს, ეს არის ორჯერ ნაკლები, ვიდრე იყო 2012 წელს, 370 გავყოთ ორზე, ანუ დღეს პენსია არის 135 ლარი. კი [მსყიდველობით უნარიანობით, რომ გავიგოთ]. ხოლო 2013 წელს პენსია იყო 110 ლარი, წარმოუდგენელი რამეა, საოცრება ხდება, რეალური მსყიდველობით უნარიანობის მიხედვით, 13 წელიწადში პენსია გაიზარდა 25 ლარით, ეს ხომ წარმოუდგენელია,” – განაცხადა რომან გოცირიძემ.