უკრაინის უსაფრთხოების სამსახურის განცხადებით, დააკავეს უნგრეთის სამხედრო დაზვერვის თანამშრომელი, რომელიც წარსულში საქართველოში დიპლომატიური მისიის საფარქვეშ “სადაზვერვო სამუშაოებს” ასრულებდა. СБУ-ს ცნობით, ზოლტან ანდრე საქართველოში 2016 წლიდან 2020 წლამდე იმყოფებოდა.
მათივე ცნობით, სამხრეთ კავკასიიდან დაბრუნების შემდეგ, 2021 წელს ზოლტან ანდრემ სადაზვერვო სამუშაოები უკრაინის წინააღმდეგ დაიწყო. ამ წელს მან ყოფილი უკრაინელი სამხედრო გადაიბირა და 2024 წელს მას ზაკარპატიეში ჯაშუშობა დაავალა. უნგრელმა ჯაშუშმა გადაბირებულ უკრაინელს დაავალა, რომ შეეგროვებინა ინფორმაცია დასავლეთ უკრაინაში ჰაერსაწინააღმდეგო სისტემების განლაგების შესახებ, ასევე გადაებირებინა ახალი პირები უნგრეთის ჯაშუშური ქსელისთვის.
უკრაინის უსაფრთხოების სამსახური წერს, რომ ანდრე თავისუფლად იყენებდა ზაკარპატიეში უნგრეთის დიპლომატიური უწყებით, სადაც უკრაინელი მოქალაქეები უნგრეთის მოქალაქეობის მისაღებად პირად მონაცემებს გზავნიდნენ – სპეციალურად შერჩეულ მოქალაქეებს ჯაშუში გადაბირების მიზნით ფინანსურ დახმარებასა და უნგრეთის მხრიდან მნიშვნელოვან შეღავათებს სთავაზობდა.
ოპერაციის ფარგლებში ანდრე ზოლტანმა მოახერხა და გადაიბირა კიდევ ერთი ადამიანი – უკრაინის შეიარაღებული ძალების საბრძოლო ბრიგადის ყოფილი წევრი, რომელიც მოგვიანებით უკრაინის უშიშროების სამსახურმა კიდევ ერთ აგენტთან ერთად დააკავა.