რუსეთთან სავაჭრო ბრუნვა გაიზარდა. მიმდინარე წლის პირველ ორ თვეში საქართველოსა და რუსეთს შორის ვაჭრობამ 418,3 მლნ აშშ დოლარი შეადგინა, მაშინ როცა გასული წლის ანალოგიურ პერიოდში 416,9 მლნ აშშ დოლარი იყო. ამ მონაცემით, რუსეთი საქართველოსთვის უმსხვილეს სავაჭრო პარტნიორ ქვეყნებს შორის თურქეთის და ჩინეთის შემდეგ მესამე ადგილზეა და მასზე ვაჭრობის 11.9% მოდის. აღნიშნული მაჩვენებელი, წინა წლის ანალოგიურ პერიოდთან შედარებით 28%-ითაა გაზრდილი. ინფრომაცია “bm.ge” ავრცელებს.
ორი თვის მონაცემებით, იმპორტი 5.4%-ით 326,3 მლნ აშშ დოლარამდე შემცირდა, რაც ამ პერიოდში ძირითადად ნავთობისა და ნავთობპროდუქტების იმპორტის განახევრებამ, ასევე დანარჩენი საქონლისა შემცირებამ და რუსული არმატურის იმპორტის თითქმის განულებამ განაპირობა. უნდა აღინიშნოს ისიც რომ 2025 წლიდან ადგილობრივი წარმოების დაცვის მიზნით, საქართველოში არმატურის იმპორტზე ბაჟია დაწესებული. რუსეთიდან იმპორტში პირველ ადგილზეა – „დანარჩენი საქონელი”, რომელშიც ბუნდოვანია, რა სახის საქონელი შედის. მაშინ როდესაც გასული წლის ამავე პერიოდში პირველ ადგილზე ნავთობპროდუქტები, შემდეგ “დარჩენილი საქონელი”, მესამეს კი არმატურა იკავებდა. წელს რუსეთიდან იმპორტირებული საქონლის TOP-10-ეულში არმატურა საერთოდ არ გვხვდება.
TOP-10 საიმპორტო საქონელი რუსეთიდან (2026 წლის იანვარ-თებერვალი)
- დანარჩენი საქონელი (გაურკვეველია, კონკრეტულად რა შედის) – 74,5 მლნ აშშ დოლარი
- ნავთობი და ნავთობპროდუქტები – 62,2 მლნ აშშ დოლარი;
- ნავთობი (ნედლი და ნავთობპროდუქტები ნედლი, მიღებული ბიტუმოვანი მინერალებისაგან) – 49,2 მლნ აშშ დოლარი;
- ხორბალი და მესლინი – 10,6 მლნ აშშ დოლარი;
- ელექტროენერგია – 10,6 მლნ აშშ დოლარი;
- ნახშირწყალბადების სულფირებული, ნიტვრირებული ან ნიტროზირებული წარმოებულები – 8,5 მლნ აშშ დოლარი;
- ზეთი (მზესუმზირისა, ალისარჩულისა ან ბამბისა და მათი ფრაქციები) – 6,3 მლნ აშშ დოლარი;
- ცოცხალი ღორები – 5,5 მლნ აშშ დოლარი;
- მინის ბოცები და ბოთლები – 5 მლნ აშშ დოლარი;
- შოკოლადი და კაკაოს შემცველი კვების სხვა მზა პროდუქტები – 4,4 მლნ აშშ დოლარი.
რაც შეეხება ექსპორტს, იანვარ-თებერვალში რუსეთში საქონლის ექსპორტი 28%-ით 92 მილიონ დოლარამდე გაიზარდა და ტრადიციულად პირველ ადგილს რეიტინგში ღვინო იკავებს.
TOP-10 საექსპორტო საქონელი რუსეთში (2026 წლის იანვარ-თებერვალი)
- ყურძნის ნატურალური ღვინოები – 21 მლნ აშშ დოლარი;
- სპირტიანი სასმელები – 20 მლნ აშშ დოლარი;
- მინერალური და მტკნარი წყლები – 12,2 მლნ აშშ დოლარი;
- ნაყოფი და მცენარის სხვა ნაწილები, სხვა წესით დამზადებული ან დაკონსერვებული – 10,4 მლნ აშშ დოლარი;
- ფქვილი და გრანულები (ხორცის, თევზის ან კიბოსნაირებისაგან) – 4,9 მლნ აშშ დოლარი;
- წყლები, მინერალურისა და დაგაზიანებულის ჩათვლით, შაქრის დანამატების შემცველობით – 4,8 მლნ აშშ დოლარი;
- ვაშლი, მსხალი და კომში – 4,5 მლნ აშშ დოლარი;