სერბეთის საგარეო საქმეთა მინისტრმა, მარკო ჯურიჩმა საქართველოს საგარეო საქმეთა მინისტრს, მაკა ბოჭორიშვილს კათოლიკოს-პატრიარქის, ილია მეორის გარდაცვალებასთან დაკავშირებით სამძიმრის წერილი გამოუგზავნა.
როგორც მარკო ჯურიჩის წერილშია ნათქვამი, ამ მძიმე ჟამს, სერბი ხალხი იზიარებს ქართველი ხალხის მწუხარებას და მას ღრმა სოლიდარობას უცხადებს.
„თქვენო აღმატებულებავ, ღრმა მწუხარებით შევიტყვე მისი უწმინდესობისა და უნეტარესობის, სრულიად საქართველოს კათოლიკოს-პატრიარქის ილია II-ის გარდაცვალების შესახებ. სერბეთის რესპუბლიკის საგარეო საქმეთა სამინისტროს და პირადად ჩემი სახელით, ნება მიბოძეთ გამოვხატო ჩემი გულწრფელი სამძიმარი და გთხოვოთ, გადასცეთ ჩვენი ღრმა თანაგრძნობა საქართველოს საპატრიარქო ტახტს, საქართველოს მართლმადიდებელი ეკლესიის წმინდა სინოდს, სამღვდელოებას, სამონასტრო საზოგადოებასა და მოძმე ქართველ ხალხს.
ჩვენ ყოველთვის გვემახსოვრება მისი სულიერი მისია, რწმენის, მშვიდობისა და ერთიანობისადმი ერთგულება, მისი თავდაუზოგავი ძალისხმევა ურთიერთგაგების, სოლიდარობის და სულიერი ფასეულობების შენარჩუნების ხელშეწყობის საქმეში. ამ მძიმე ჟამს, სერბი ხალხი იზიარებს თქვენს მწუხარებას და ღრმა სოლიდარობას უცხადებს ქართველ ხალხს.
გთხოვთ, თქვენო აღმატებულებავ, კიდევ ერთხელ მიიღოთ ჩემი ღრმა პატივისცემა და გულწრფელი სამძიმარი“, – ნათქვამია სერბეთის საგარეო საქმეთა მინისტრის სამძიმრის ტექსტში.