ცოტა ხნის წინ გავრცელდა ინფორმაცია, რომ „კარიბის ზღვის მეკობრეების“ მეექვსე ნაწილში ჯონი დეპის პერსონაჟს, კაპიტან ჯეკ ბეღურას ახალი პერსონაჟი ჩაანაცვლებს, რომელსც ჰოლივუდის მსახიობი, მარგო რობი განასახიერებს.
ფილმის პროდიუსერის, ჯერი ბრაკჰეიმერის თქმით სცენარზე მუშაობა დაწყებულია. ამჟამად იწერება ორი სცენარი, ერთი მარგოს მონაწილეობით, მეორე კი მის გარეშე.
ფილმის გულშემატკივრების მთავარ კითხვად რჩება მიიღებს თუ არა ჯონი დეპი „კარიბის ზღვის მეკობრეების“ მეექვს ნაწილში მონაწილეობას? ამ დრომდე ოფიციალური პასუხი არ გაჟღერებულა, თუმცა წყაროები იუწყებიან, რომ „დისნეი“ ჯონი დეპთან მუშაობაზე უარს აცხადებს მანამ სანამ მისი და ყოფილი მეუღლის, ემბერ ჰერდის სასამართლო ჯონის სასარგებლოდ არ დასრულდება.
კითხვას დაბრუნდება თუ არა ჯონი მეექვსე ნაწილში პროდიუსერმა შემდეგი პასუხი გასცა:
„დღევანდელი გადმოსახედიდან არა, მაგრამ მომავალი ჯერ არ არის გადაწყვეტილი.“