რუსეთმა უკრაინაზე მასშტაბური საჰაერო იერიში მიიტანა – არის მსხვერპლი – ინფორმაციას უკრაინული მედია ავრცელებს. მათივე ცნობით, თავდასხმა განხორციელდა ზაპოროჟიეში, ხარკოვსა და ოდესაში.
მედიის ინფორმაციით, ზაპოროჟიეში 30 წლის ქალი დაიღუპა, 2 ადამიანი კი დაშავდა, მათ შორის ერთი ბავშვი. განადგურებულია კერძო სახლები და ინფრასტრუქტურა. ხარკოვში რუსული დრონი ერთ-ერთი საგანმანათლებლო დაწესებულების მიმდებარე ტერიტორიაზე ჩამოვარდა, აფეთქებების შედეგად დაზიანდა შენობის ფასადი. ოდესაში დაიბომბა პორტი, სადაც მარცვლეულით დატვირთული ორი გემი დაზიანდა.