კრემლში არ იციან, როდის განახლდება რუსეთი-აშშ-უკრაინის მოლაპარაკება ომის დასრულების პირობებზე. სამმხრივი მოლაპარაკებები შეჩერებულია ირანის წინააღმდეგ აშშ-ისრაელის სამხედრო ოპერაციის დაწყების გამო – ინფორმაციას “რადიო თავისუფლება” ავრცელებს.
კრემლის პრესმდივანმა დიმიტრი პესკოვმა მოსკოვში დღეს, 19 მარტს გამართულ ბრიფინგზე განაცხადა, რომ „გასაგები მიზეზების“ გამო მოლაპარაკებებში „სიტუაციური პაუზაა“.
პესკოვის თქმით, იმედი აქვთ, რომ პაუზა შეწყდება და მოლაპარაკებები განახლდება მას შემდეგ, რაც შეთანხმდება ყველა მხარის, უპირველეს ყოვლისა, ამერიკელი შუამავლების გრაფიკები და ისინი შეძლებენ „უკრაინის საქმეებისთვის“ მეტი ყურადღების დათმობას.