სახელმწოფო დაცვის სპეციალური სამსახურის ხელმძღვანელი, ანზორ ჩუბინიძე ადასტურებს, რომ პატრიარქის დაკრძალვის დღისთვის უკვე დაწყებულია მუშაობა სპეციალურ პროტოკოლზე.
პატრიარქის დაკრძალვის დღისთვის წინასწარ უნდა გაიწეროს ყველა დეტალი, რომლის დაცვითაც ილია მეორეს უკანასკნელი გზას გაატარებენ სამებიდან სიონის ტაძრამდე. სამგლოვიარო პროცესიაში მონაწილოების მისაღებად, საქართველოში სტუმრები უცხოეთიდანაც ჩამოდიან.
კითხვაზე, ექნებათ თუ არა მათ სპეციალური საშვები, ანზორ ჩუბინიძე ამბობს, რომ ამის შესახებ ჯერ-ჯერობით არაფერი სმენია.
“უსაფრთხოების ის პროტოკოლი იქნება მიღებული, რაც იქნება საჭიროებიდან გამომდინარე. ვმსჯელობთ იმაზე, რომ შევუქმნათ კომფორტული პირობები საზოგადოებას, რომ თავისუფლად მოვიდეს, შევიდეს და სამძიმარი გამოუცხადოს ჩვენს გარდაცვლილ პატრიარქს.
მაღალი რანგებისთვის იქნება ის ზომები მიღებული, რაც საჭროა, რა სიტუაციაც გვაქვს ქვეყნიდან გამომდინარე, როგორი რისკის მატარებელი იქნება ჩვენი დაცვის ობიექტი, იმ ზომებს მივიღებთ.
ამ დღეებშიც, დღესაც, ხვალაც, კიდევ გვექნება შეხვედრა, აუცილებლად დაიხვეწება გამომდინარე მოცემული პირობებიდან. გუშინ პრემიერი ხელმძღვანელობდა ამ შეხვედრას. პრემიერთან ერთად (გადაწყდება) არა მარტო უსაფრთხოების ზომები, რომელი ქუჩები უნდა გადავკეტოთ, როგორი დაშვების სისტემა გვექნება, (ეს ყველაფერი შეთანხმდება) . ცალკე საშვები ასე არ არსებობს, ყოველ შემთხვევაში ჩემამდე არ მოსულა, მაგრამ რა თქმა უნდა ამას ვმართავთ, იმიტომ, რომ არის გამონაკლისები და იმართება ხელოვნურად”, – განაცხადა ანზორ ჩუბინიძემ.