თავდაცვის ყოფილი მინისტრი, ირაკლი ოქრუაშვილი „მთავარი არხის“ გენერალური დირექტორის ნიკა გვარამიას დაპატიმრებას გამოეხმაურა და სოციალურ ქსელში პოსტიც დაწერა, სადაც გვარამიას საქმის მოსართლეზე, ლაშა ჩხიკვაძეზე ისაუბრა.
ირაკლი ოქრუაშვილი განმარტავს, რომ ლაშა ჩხიკვაძე როგორც გვარამიას ასევე მის საქმესაც იხილავს. ამასთან ერთად ის ცოტა ხნის წინანდელ პოსტს იხსენებს და აცხადებს:
„ამას წინათ უკრაინაში ომში ყოფნის დროს რომ ჩამინიშნა პროცესი, პოსტით ვიხუმრე, ჩამოვიდე და დავესწო თუ გავუშვა “რუსკი კარაბლის” მიმართულებით მეთქი. წაუკითხავს, “იკაცა” და ადვოკატის პირით მუქარანარევი ტონით შემომითვალა “ჩვენც ხალხნი ვართ” და ნუ გაგვაბრაზებსო.“
პოსტში მან მოსამართლეს პირდაპირაც მიმართა და აღნიშნა, რომ მისი და გვარამიას საქმის ბედი მოსამართლე ჩხიკვაძეზე სულაც არ არის დამოკიდებული.
„ეჰ ჩემო ლაშა, ნეტავ მართლა რამეს წყვეტდე და მთლად შენზე იყოს დამოკიდებული ჩემი თუ გვარამიას საქმის ბედი. არ ვიცოდეთ მაინც, რა კვერცხებით ჰყავხარ ივანიშვილს და სისტემას დაჭერილი – რამდენიმე წლის წინ ავტოავარიაში კაცი რომ მოკალი და საქმე ჩაგიფარცხეს. ისიც ვიცით შენს ძმას შსს დროდადრო ნარკოტიკზე თუ მსგავსზე რომ იჭერს და უშვებს.
დრონი მეფობენ და არა მეფენი. მითუმეტეს მონები ვერასდროს მეფობენ, ყველამ დაიმახსოვროს“ – წერს ირაკლი ოქრუაშვილი