„ქართული ოცნების“ დეპუტატმა ირმა ზავრადაშვილმა „მთავარი არხის“ გენერალური დირექტორის, ნიკა გვარამიას დაპატიმრებასთან დაკავშირებით „მიქსმეტრონომთან“ ისუბრა:
“კარგით რა, ეს სასაცილო პირდაპირ, არც მეტი არც ნაკლები, ესე იგი ადამიანი თუა დამნაშავე, თუ მედიასთან ან ტელევიზიასთან ასოცირებული გახდება, მისთვის დანაშაული საპატიებელია? ესეთი მიდგომაა? ვერ ვხვდები, ქვყანაში სადაც კანონი არ კანონობს ის ქვეყანა არ არის.
მე პრეტენზია მაქვს, რომ ეს ქვეყანა არის შემდგარი და კანონის უზენაესობა არის ყველაზე მნიშვნელოვანი. თუ ადამიანი არის დამნაშავე და კანონი ამას ამტკიცებს, დამნაშავემ პასუხი უნდა აგოს.
იგივენაირი დამოკიდებულება მქონდა მაშინაც კი როდესაც იგივე მედიის წარმომადგენლებისთვის სასამართლომ გადაწყვეტილება მიიღო, რომ მათ ზარალი უნდა ანაზღაურებოდათ. აბსოლუტურად შინაარსობრივად განსხვავებული რაღაცეებია, მაგრამ ასეთი გადაწყვეტილება მიიღო მედიის წარმომადგენლების მიმართ კანონის უზენაესობამ, ის იყო მთავარი და ამოსავალი, ახლაც როდესაც გვარამიას მიუსაჯეს სასჯელი კანონის უზენაესობაა მთავარი. ასე, რომ მე არ მგონია მედიას ან ტელევიზიას ამოფარება ნიშნავს იმას, რომ ნებისმიერი დანაშაული უნდა გეპატიოს.” – ირმა ზავრადაშვილი.
ცნობისთვის, “მთავარი არხის” გენერალურ დირექტორს, ნიკა გვარამიას სასამართლომ 3 წლითა და 6 თვით პატიმრობა შეუფარდა.