კავკასიის მედიცინის ცენტრში სრულიად საქართველოს კათოლიკოს-პატრიარქის, ილია მეორის ჯანმრთელობის მდგომარეობის გასაცნობად ირაკლი კობახიძე, შალვა პაპუაშვილი, ირაკლი ჩიქოვანი და ლევან ჟორჟოლიანი მივიდნენ.
ირაკლი კობახიძეს ჟურნალისტებთან კომენტარი არ გაუკეთებია.
ადგილზე იმყოფება ჯანდაცვის მინისტრი, მიხეილ სარჯველაძეც.
ილია მეორის ჯანმრთელობის მდგომარეობას ასევე გაეცნო მიხეილ ყაველაშვილი, თინათინ რუხაძე, კახა კალაძე, სახალხო დამცველი – ლევან იოსელიანი.
ასევე, ადგილზე იმყოფებოდნენ ოპოზიციური პარტიის წევრებიც.
პოლიტიკოსებისა და პოლიტიკური თანამდებობის პირების გარდა, დილიდან კლინიკაში იმყოფებიან საპატრიარქო ტახტის მოსაყდრე, სენაკისა და ჩხოროწყუს მიტროპოლიტი შიო (მუჯირი), ასევე, საპატრიარქოს საზოგადოებასთან ურთიერთობის სამსახურის ხელმძღვანელი, დეკანოზი ანდრია ჯაღმაიძე და სხვა სასულიერო პირები.