ოჯახი ცეკვის პედაგოგს 13 წლის გოგონას მიმართ სექსუალურ შევიწროებაში ადანაშაულებს – ინფორმაციას “ტვ პირველი” ავრცელებს. როგორც დაზარალებული არასრულწლოვნის ბიძამ განაცხადა, შემთხვევა სენაკში, გუშინ მოხდა.
კაცი ამტკიცებს, რომ მასწავლებელმა სკოლის მოსწავლე დარბაზში მოტყუებით მიიყვანა და სექსუალურად შეავიწროვა.
მოზარდის ოჯახის წევრი ამბობს, რომ როგორც გაარკვია, 50 წლამდე კაცს ანალოგიურ დანაშაულში სხვა მოზარდებიც ამხელენ.
სკოლის მოსწავლის ახლობლების თქმით, პედაგოგის წინააღმდეგ სისხლის სამართლის დევნა უნდა დაიწყოს და შეუჩერდეს პედაგოგიური საქმიანობა.
“ტვ პირველის” რესპოდენტი ამბობს, რომ მომხდარის შესახებ პოლიციას უკვე შეატყობინეს და ელოდებიან გეკა გელაძის უწყების რეაგირებას.