6 წლამდე ავტომობილების განბაჟებაც ძვირდება – ამას ითვალისწინებს საგადასახადო კოდექსში შესატანი ცვლილებები, რომელიც “ქართული ოცნების” წევრებმა დაარეგისტრირეს. ინფორმაციას ამის შესახებ BMG ავრცელებს.
განბაჟების საფასური 0-დან 6 წლამდე ავტომობილებისთვის კუბურ სანტიმეტრზე 1.5 ლარით განისაზღვრება. 6 წელზე მეტი ხნის ავტომობილებისთვის კი განბაჟების საფასური კუბურ სანტიმეტრზე 4.5 ლარი იქნება, რაც ცნობილი გასული კვირის ხუთშაბათს კანონპროექტის დაანონსებისას გახდა, თუმცა ახლა უშუალოდ დოკუმენტის გამოქვეყნების შემდეგ ცნობილი გახდა, რომ აქციზის მატება 6 წლამდე ავტომობილებსაც შეეხება.
აქციზის განაკვეთები ასე გადანაწილდება:
• 1 წლამდე ავტომობილებისთვის – მოქმედია 1.5 ლარი; იქნება 1.5 ლარი;
• 1 წლის ავტომობილებისთვის – მოქმედია 1.5 ლარი; იქნება 1.5 ლარი;
• 2 წლის ავტომობილებისთვის – მოქმედია 1.5 ლარი; იქნება 1.5 ლარი;
• 3 წლის ავტომობილებისთვის – მოქმედია 1.4 ლარი; იქნება 1.5 ლარი;
• 4 წლის ავტომობილებისთვის – მოქმედია 1.2 ლარი; იქნება 1.5 ლარი;
• 5 წლის ავტომობილებისთვის – მოქმედია 1 ლარი; იქნება 1.5 ლარი;
• 6 წლის ავტომობილებისთვის – მოქმედია 0.8 ლარი; იქნება 1.5 ლარი;
6 წელზე მეტი ხნის წინ გამოშვებული ავტომობილებისთვის კი გადასახადი ძრავის მოცულობის თითოეულ კუბურ სანტიმეტრზე 4.5 ლარი იქნება.