“ასაკის და ყველა ფაქტორის გათვალისწინებით, ვითარება მარტივი ნამდვილად არ არის” – მიხეილ სარჯველაძემ, საქართველოს კათოლიკოს-პატრიარქის, ილია II-ის ჯანმრთელობის მდგომარეობის შესახებ განაცხდა.
“ექიმების მხრიდან ყველაფერი გაკეთდა საიმისოდ, რომ რაც შეიძლება მეტად ყოფილიყო უზრუნველყოფილი პაციენტის უსაფრთხოება. უკლებლივ ყველაფერი გაკეთდა ამისთვის.
ასაკის და ყველა ფაქტორის გათვალისწინებით, ვითარება მარტივი ნამდვილად არ არის. ამჟამად პაციენტი იმყოფება ინტენსიური თერაპიის განყოფილებაში – მიმდინარეობს დაკვირვება და ყველა საჭირო ღონისძიების გატარება საიმისოდ, რომ რაც შეიძლება სწრაფად იყოს უზრუნველყოფილი სასიცოცხლოდ მნიშვნელოვანი ყველა პარამეტრი. რა თქმა უნდა, დაკვირვება გაგრძელდება” – განაცხადა მიხეილ სარჯველაძემ საქართველოს კათოლიკოს-პატრიარქის, ილია II-ის ჯანმრთელობის მდგომარეობის შესახებ.
ასევე მიხეილ სარჯველაძემ განაცხადა რომ ვითარება კვლავ რთულია და საყურადღებო.
პატრიარქი კლინიკაში დღეს, ჯანმრთელობის პრობლემის გამო გადაიყვანეს.