ირანის დედაქალაქ თეირანში, მეჰრაბადის საერთაშორისო აეროპორტის ტერიტორიაზე ძლიერი აფეთქება მოხდა, რის შედეგადაც ადგილზე ხანძარი გაჩნდა. გავრცელებული კადრების მიხედვით, აეროპორტის რაიონში რამდენიმე თვითმფრინავი დაზიანდა.
მედიის ცნობით, აფეთქება შესაძლოა დაკავშირებული იყოს ისრაელის მიერ განხორციელებულ საჰაერო დარტყმებთან, რომლების სამიზნეც ირანში სხვადასხვა სამხედრო და სტრატეგიული ობიექტი იყო.
მეჰრაბადის აეროპორტი თეირანის დასავლეთ ნაწილში მდებარეობს და იგი გამოიყენება როგორც სამოქალაქო, ისე სამხედრო ავიაციისთვის, რის გამოც სტრატეგიულ ობიექტად ითვლება.
დაშავებულებისა და მსხვერპლის შესახებ ოფიციალური ინფორმაცია თავდაპირველად არ გავრცელებულა.