გაიმართა კლუბ „ბარსელონას“ პრეზიდენტის არჩევნები, რომელშიც დამაჯერებელი გამარჯვება მოიპოვა ჟოან ლაპორტამ. მისმა შედეგმა შეადგინა 68.18%. ლაპორტას ხმა მისცა 32 934-მა ამომრჩეველმა.
ლაპორტას მთავარმა კონკურენტმა, ვიქტორ ფონტმა ხმების 29.78% (14 385 ხმა) მიიღო. 984 (2.04%) ბიულეტენი ცარიელი აღმოჩნდა.
ასე რომ, ლაპორტა მესამედ აირჩიეს „ბარსელონას“ პრეზიდენტის პოსტზე. ის კლუბს სათავეში ედგა 2003-10 და 2021-26 წლებში. ამჯერად ლაპორტა 1 ივლისიდან დაიკავებს თანამდებობას და „ბარსელონას“ 2031 წლამდე უხელმძღვანელებს.