რამდენიმე საათის წინ, ტაბახმელაში სკოლის პედაგოგის ცხედარი იპოვეს – ადგილზე ამ წუთებში საგამოძიებო მოქმედებები მიმდინარეობს. ინფორმაციას “ტვ პირველი” ავრცელებს.
როგორც “ტვ პირველმა” გაარკვია, საქმეში ფიგურირებს იარაღი – ქალს ტყვია აქვს ნასროლი.
არსებული ცნობით, 50 წლამდე ქალი დილით სკოლაში წავიდა, თუმცა გაკვეთილების ჩასატარებლად არ მისულა. გავრცელებული ინფორმაციით, უკვე გამოკითხულია იმ სკოლის დირექტორი, სადაც გარდაცვლილი გეოგრაფიის პედაგოგად იყო დასაქმებული.
ახლა გამოძიებამ უნდა დაადგინოს, ადგილი ჰქონდა მკვლელობას თუ თვითმკვლელობას.