საქართველოში პლასტმასის მოხმარების შემცირებისთვის რა ნაბიჯები გადაიდგმება? ინფორმაციას ამის შესახებ გარემოს დაცვისა და სოფლის მეურნეობის სამინისტრო ავრცელებს.
“2026 წლის 1 ივლისიდან აიკრძალება კვების ობიექტების მიერ პლასტმასის ბოთლებით სასმელის მიწოდება
2027 წლის 1 თებერვლიდან აიკრძალება პლასტმასის ბოთლებში სასმელების წარმოება (გარდა ექსპორტის მიზნით), იმპორტი და ბაზარზე განთავსება.
აკრძალვა არ გავრცელდება 3 ლიტრი და მეტი მოცულობის სასმელ წყალზე, ასევე 20 ლიტრი და მეტი მოცულობის სასმელებზე.
გამონაკლისი ასევე ვრცელდება საქართველოს შინაგან საქმეთა სამინისტროსა და საქართველოს თავდაცვის ძალებისა და სამხედრო მოსამსახურეების საჭიროებებისათვის სასმელი წყლის წარმოებასა და მიწოდებაზე.
ნაბიჯ-ნაბიჯ პლასტიკის გარეშე, შევამციროთ ნარჩენი გარემოს და ჯანმრთელობის დასაცავად” – ინფორმაციას გარემოს დაცვისა და სოფლის მეურნეობის სამინისტრო ავრცელებს.