პარლამენტის შენობასთან მდგარი კარვები, სადაც მოქალაქეები წელიწადზე მეტია ღამეს ათევენ, დღეს დილით აიღეს

“ღამის 2 საათია და ზემოდან დაცვის ბიჭმა თქვა, რას ეკიდება ესო. კარავს ცეცხლი ეკიდა, მერე მივედი წყალი დავასხი და ჩავაქრეთ. ამ დილით 7 საათზე პოლიცია თაბუკაშვილიდან მოვიდა, თითქოსდა ყაჩაღები ჰყავდათ აქედან ასაყვანი. გამობრძანდით გარეთო, მე ვუთხარი რატომ უნდა გამოვიდე, რის საფუძველზე. ვზივარ ერთ წელზე მეტია და რატომ უნდა გამოვიდე-თქო. ტელეფონი მეჭირა ხელში გამომგლიჯა ხელიდან, მერე ორმა პოლიციელმა მომკიდა ხელი გამომათრიეს, ჩამსვეს მანქანაში და მითხრეს ახლა არ ინერვიულოთ ამ მანქანით წაგიყვანთ და ამ მანქანით მოგიყვანთო. აი ახლა მოვედი, 4 საათი გავიდა ამდენი ხანი მაყურყუტეს პოლიციის განყოფილებაში.

ვერავის ხელს ვერ დავადებ, რა თქმა უნდა, აქ ყოველდღიურად მოდიოდა ხალხი, რომლებსაც ძალიან აწუხებდათ, რომ ჩვენ კარავში ვიყავით, აგზავნიდნენ რა თქმა უნდა მისიით. გუშინ მაგალითად და გუშინწინ ერთი ახალგაზრდა გოგო იყო შევიდა კარავში გამოიტანა ქურთუკი ჩაიცვა, ვითომ მუნჯი იყო ისე გაასაღა თავი და ახლა უკვე ისეთი ეჭვი გამიჩნდა, რომ სპეციალურად გააკეთეს იმიტომ, რომ ამ კარვების აღება უნდოდათ, სხვა ვერაფერი მეთოდი ვერ მოძებნეს ამ ლაჩრებმა, რომ მაინცდამაინც არ დაეწვათ და ეს საცოდავი ხალხი არ ამომწვარიყო იქ.

მე მაგალითად არ ვაპირებ ადგომას აქედან.

დაზარალებული არავინ არ არის დროზე გაეღვიძა იმ ბიჭს, აქრობდა ნაჭრით, რომ მივედი წყლები დავასხი, დაზარალებული არავინ არ არის, მაგრამ ამაზე მეტი ზარალი რა უნდა მომაყენო ახლა ჩემი ტანსაცმელი ყველაფერი რაც კი გამაჩნდა, რაც ჩემი იყო ყველაფერი წაიღეს. ამის უფლება, როგორ ჰქონდათ… საიდან ექნებოდა გამათბობელი, არანაირი დენის წყარო არ გვქონდა.

შეგნებულად არის გაკეთებული ვრწმუნდები, ამ დილით, რომ მოვიდნენ ეს პოლიციელები და სხვა ხალხი მივხვდი, რომ ეს არის შეგნებულად გაკეთებული და ვუთხარი კიდეც, თქვენ ეს შეგნებულად გააკეთეთ, სხვა მეთოდი ვერაფერი მოძებნეთ ამ კარვები ასაღებად და ახლა ამ კარვებსაც აიღებთ. მე ბრძოლას არ შევწყვეტ, ფეხზე დამდგარი, სანამ შევძლებ, სანამ არ მოვკვდები აქედან ვერავინ ვერ გამიყვანს, თუ გამასვენებენ. ტელეფონი ჩამომართვეს და ისეა არეულ-დარეული, რომ ვერავის ვერ დავურეკე. ყველა სახელი, გვარი ამოღებულია ტელეფონიდან, გამოშიგნულია” – ამბობს დარეჯან ცხვიტარია “ინ რადიოსთან”.