გამოცემა The Wall Street Journal ვრცელ სტატიას აქვეყნებს და წერს, რომ ამერიკის პრეზიდენტი, დონალდ ტრამპი მისი კაბინეტის წევრებსა და თეთრი სახლის სტუმრებს Florsheim-ის ფეხსაცმელს ჩუქნის.
გამოცემასთან ადმინისტრაციის ზოგიერთი წარმომადგენელი ირონიულად აღნიშნავს, რომ იძულებული არიან ჩაიცვან საშუალო კლასის ფეხსაცმელი, ნაცვლად საკუთარი უფრო ძვირადღირებული, პრემიუმ ბრენდებისა.
გამოცემა წერს, რომ დონალდ ტრამპი, რომელიც სამუშაო მაგიდასთან იჯდა, ყურადღებით აკვირდებოდა ჯეი დი ვენსისა და მარკო რუბიოს ფეხსაცმელს.
„მარკო, ჯეი დი, ძალიან სექსუალური ფეხსაცმელები გაქვთ,“ – თქვა აშშ-ის პრეზიდენტმა, კატალოგს თვალი გადაავლო და მათ ფეხსაცმლის ზომა ჰკითხა.
რუბიომ უპასუხა, რომ მისი ფეხსაცმლის ზომა 11.5 იყო, ვენსმა კი – 13. The Wall Street Journal წერს, რომ ტრამპი სავარძელში უკან გადაიხარა და აღნიშნა: „კაცზე ბევრი რამ შეგიძლია გაიგო მისი ფეხსაცმლის ზომით.“
„ფეხსაცმელები მიიღეთ?“ – ხშირად ეკითხება ტრამპი კოლეგებს – აცხადებს გამოცემასთან რამდენიმე წყაროს , რომლებიც ამ შემთხვევას შეესწრნენ. მათ თქმით, ზოგიერთ მათგანს ფეხსაცმლის გასინჯვა კი ოვალურ კაბინეტში მოუწია. თეთრი სახლის ერთმა თანამშრომელმა გამოცემასთან აღნიშნა: „სასაცილოა, რადგან ყველას ეშინია, რომ არ ჩაიცვას.“
ფეხსაცმელი, რომელზეც საუბარია, Florsheim-ის ბრენდს ეკუთვნის. კომპანია 1892 წელს ჩიკაგოში დაარსდა. გამოცემის შეფასებით კი მისი კლასიკური კლასიკური ფეხსაცმლი პრეზიდენტის ერთგვარ გატაცებად იქცა. მოდელების უმეტესობა დაახლოებით 145 დოლარი ღირს.