ირანის ექსპერტთა საბჭომ ოფიციალურად გამოაცხადა, რომ ქვეყნის მესამე უმაღლეს ლიდერად მოჯთაბა ხამენეი აირჩიეს – ინფორმაციას Iran International ავრცელებს.
„დღევანდელ რიგგარეშე სხდომაზე, ექსპერტთა ასამბლეამ, წევრების გადამწყვეტი ხმით, აიათოლა სეიედ მოჯთაბა ჰოსეინ ხამენეი აირჩია და წარადგინა ირანის ისლამური რესპუბლიკის წმინდა სისტემის მესამე ლიდერად…
ასამბლეა მოუწოდებს ირანის კეთილშობილ ხალხს, განსაკუთრებით სემინარიებისა და უნივერსიტეტების ელიტასა და ინტელექტუალებს, ერთგულება აღუთქვან ხელმძღვანელობას და შეინარჩუნონ ერთიანობა ახალი ლიდერის გარშემო“ – ნათქვამია ორგანოს განცხადებაში Iran International-ის თანახმად.