სამი დღის განმავლობაში მიმდინარე ოპერაციის – „ეპიკური რისხვის“ ფარგლებში აშშ-მა ირანის ფლოტი პრაქტიკულად მთლიანად გაანადგურა და თეირანის 42 სამხედრო ხომალდი ჩაძირა. ამის შესახებ აშშ-ის პრეზიდენტმა დონალდ ტრამპმა განაცხადა „Shield of the Americas“-ის სამიტზე გამოსვლისას.
ტრამპის თქმით, ოპერაციის შედეგად ირანის სამხედრო-საზღვაო ძალებს მძიმე დარტყმა მიადგა.
„ეს შთამბეჭდავი იყო – სამ დღეში 42 სამხედრო ხომალდი გავანადგურეთ, ზოგი მათგანი ძალიან დიდი იყო. მათი ფლოტი ფაქტობრივად დასრულებულია. გამოვიყვანეთ მწყობრიდან მათი სამხედრო-საჰაერო ძალები და გავანადგურეთ კავშირიც“, – განაცხადა აშშ-ის პრეზიდენტმა.
ტრამპის თქმით, სამდღიანი ოპერაციის შედეგად ირანის საზღვაო და საჰაერო პოტენციალის მნიშვნელოვანი ნაწილი განადგურდა. მისივე განცხადებით, დარტყმების შედეგად ქვეყანაში სატელეკომუნიკაციო სისტემა პრაქტიკულად პარალიზებულია.
„ეს იყო მათი ფლოტის დასასრული. გავანადგურეთ მათი საჰაერო ძალები და გამოვიყვანეთ მწყობრიდან კავშირი… არ ვიცი, ახლა როგორ ურთიერთობენ, მაგრამ ალბათ რამეს მოიფიქრებენ. ამ ეტაპზე მათ საქმეები კარგად არ მიდის“, – აღნიშნა ტრამპმა.