საქართველოში იოგურტის იმპორტი გაიზარდა – მთავარი მიმწოდებელი კვლავ რუსეთია – ინფორმაციას ამის შესახებ BM. GE ავრცელებს. მეორე ადგილზეა საბერძნეთი, სადაც იმპორტი ექვსჯერ არის გაზრდილი, სავარაუდოდ, ბერძნული იოგურტის (უშაქრო და ხილის გარეშე) იმპორტის ზრდის ხარჯზე. 2025 წელს ჯამში 14,7 მლნ აშშ დოლარის 6762 ტონა (შაქრისა ან სხვა დამატკბობლის, ხილის, კაკლისა ან კაკაოს ნივთიერებების დამატებით ან მათ გარეშე) იოგურტი შემოვიდა. 2024 წელს კი იმპორტმა 10,6 მლნ აშშ დოლარი და 6352 ტონა შეადგინა.
იოგურტის TOP-5 საიმპორტო ქვეყანა ასე გამოიყურება:
• რუსეთი – 5,5 მლნ აშშ დოლარი – 2945 ტონა
• საბერძნეთი – 2,7 მლნ აშშ დოლარი – 748 ტონა
• ყაზახეთი – 2,1 მლნ აშშ დოლარი – 821 ტონა
• თურქეთი – 1,5 მლნ აშშ დოლარი – 1177 ტონა
• გერმანია – 1,1 მლნ აშშ დოლარი – 404 ტონა