შეფერხებებმა შესაძლოა, წამლების ფასები გაზარდოს, ბევრ პროდუქტზე კი დეფიციტი შეიქმნას – ომის გავლენაშეფერხებებმა შესაძლოა, წამლების ფასები გაზარდოს, ბევრ პროდუქტზე კი დეფიციტი შეიქმნას – ომის გავლენა
ირანის ომმა ფაქტობრივად შეაჩერა ნავთობტანკერების მოძრაობა ჰორმუზის სრუტეში. თუმცა, ნავთობის გარდა ის არღვევს გლობალური მიწოდების ჯაჭვის ფართო სპექტრს, რაც გავლენას ახდენს ყველაფერზე, ინდოეთიდან წამოსული ფარმაცევტული პროდუქტებიდან დაწყებული, აზიიდან წამოსული ნახევარგამტარებითა და ნავთობისგან მიღებული პროდუქტებით დამთავრებული.
როგორც Associated Press წერს, რაც უფრო დიდხანს გაგრძელდება ომი, მით უფრო დიდია ალბათობა, რომ საქონლის ფართო სპექტრზე დეფიციტი შეიქმნას და ფასები გაიზარდოს.
„მიწოდების ჯაჭვი გრძელ მატარებლის შეიძლება შევადაროთ მრავალი ვაგონით, თითოეული ვაგონი კი, მსოფლიოს ერთ რომელიმე პორტს. თუ ერთი ვაგონი ლიანდაგიდან გადავა, ამან შეიძლება ძალიან ხშირად დომინოს ეფექტი გამოიწვიოს მის უკან ან წინ მდგომ სხვა მრავალ ვაგონზე, ამიტომ, მიუხედავად იმისა, რომ ამ სამხედრო ქმედებამ მხოლოდ მცირე რაოდენობის პორტები დააზარალა, მას ნამდვილად შეუძლია დიდი გავლენა მოახდინოს მთლიან მიწოდების ჯაჭვზე“ – აცხადებენ ექსპერტები.
მათივე მტკიცებით, კომპიუტერული ჩიპები, ფარმაცევტული პროდუქტები და სხვა საქონელი შეფერხებების წინაშე დგას.
ახლო აღმოსავლეთის რეგიონის გავლით პროდუქციის ფართო სპექტრი იგზავნება. მსოფლიო ნავთობის დაახლოებით 20%-თან ერთად, რომელიც რეგიონიდან მოდის, ბუნებრივი აირით დამზადებული პროდუქტები, როგორიცაა ნავთობქიმიური ნედლეული – რომელიც გამოიყენება პლასტმასის და რეზინის დასამზადებლად და აზოტოვანი სასუქი, ახლო აღმოსავლეთიდან მოდის. ინდოეთიდან ექსპორტირებული ფარმაცევტული პროდუქტები და აზიიდან მსოფლიოს დანარჩენ ქვეყნებში ექსპორტირებული ნახევარგამტარები და ბატარეები, ყველა მათგანი რეგიონის გავლით იგზავნება და შესაძლოა სერიოზული შეფერხებები შეექმნას.
ჰორმუზის სრუტეზე შეზღუდვების გარდა, არასტაბილურობამ შეაფერხა ტრანზიტი წითელ ზღვასა და სუეცის არხში, სადაც ტრანზიტის ზრდა დაიწყო რეგიონში ჰუსიტების მიერ გემებზე თავდასხმების შედეგად გამოწვეული მრავალწლიანი არასტაბილურობის შემდეგ. კომპანია Maersk-მა განაახლა ტრანზიტი სუეცის არხსა და წითელ ზღვაში, თუმცა კვირას განაცხადა, რომ დატვირთულ გემებს აფრიკისკენ გადაამისამართებს, რაც მგზავრობას 10-14 დღით ახანგრძლივებს, ხოლო თითო გემზე საწვავის სახით დაახლოებით 1 მლნ დოლარის დამატებით ხარჯს მოითხოვს…