საქართველოს ეროვნული ბანკის ინფორმაციით, 2026 წლის თებერვლის მდგომარეობით, წინა თვესთან შედარებით, საქართველოს საერთაშორისო რეზერვები 358.9 მლნ აშშ დოლარით გაიზარდა და რეკორდულ მაჩვენებელს მიაღწია. ქვეყნის მთლიანი საერთაშორისო რეზერვები დაახლოებით 6.65 მილიარდ აშშ დოლარს შეადგენს.
ჯერჯერობით, უცნობია რამდენი მილიონი დოლარი შეისყიდა სებ-მა გასული თვის განმავლობაში, თუმცა ზრდიდან გამომდინარე ეს თანხა, სავარაუდოდ, რამდენიმე ასეულ მილიონ დოლარს აღემატება, შესაბამისი სტატისტიკა 25 მარტს გახდება ცნობილი.
2025 წელს სავალუტო შესყიდვები 2.4 მილიარდი დოლარი იყო, 2026 წლის იანვარში კი შესყიდვების მოცულობა 87 მილიონ დოლარს შეადგენდა. რეზერვების მატების კიდევ ერთი ფაქტორი საერთაშორისო ბირჟაზე ოქროს ფასის ზრდაა.
2026 წლის თებერვლის მდგომარეობით, ოქროს წილი საქართველოს საერთაშორისო სავალუტო რეზერვებში 18.%-ს (1 198.4 მლნ აშშ დოლარი) შეადგენს. ოქროს ფასის ცვლილების შედეგად, მონეტარული ოქროს ღირებულება, მისი შეძენის მომენტიდან დაახლოებით 698.40 მლნ აშშ დოლარით გაიზარდა.