ახლო აღმოსავლეთში უკვე ერთი კვირაა, რაც საბრძოლო მოქმედებები გრძელდება. ირანში აშშ-სა და ისრაელის სამხედრო ოპერაციის დაწყება გლობალურ ბაზრებზეც უკვე შესაბამისად აისახა, გაუქმდა ფრენები, ტურისტული ჯავშნები, ჰორმუზის სრუტის ჩაკეტვამ კი გაურკვეველი გახდა საკონტეინერო გადაზიდვების ბედი. შედეგად ნავთობის, ტრანსპორტირების, ლოჯისტიკურ ხარჯები მნიშვნელოვნად გაიზარდა.
აღნიშნული კონფლიქტი ხელშესახებ გავლენებზე საუბრობენ საქართველოშიც. გარდა იმისა, რომ საწვავის გაძვირებას ჩვენთანაც პროგნოზირებენ, ადგილობრივი ტუროპერატორები გაუქმებულ ჯავშნებზე ამახვილებენ ყურადღებას. როგორც სტუმარ-მასპინძლობის სექტორის წარმომადგენლები ამბობენ, კონფლიქტში მონაწილე, თუ მათი მეზობელი ქვეყნებიდან ტურისტული ნაკადები მთლიანად შეწყდა.
„ბიზნესპრესნიუსი“ დაინტერესდა, რამდენი ვიზიტორი ჰყავდა საქართველოს სპარსეთის ყურის ქვეყნებიდან.
ტურიზმის ეროვნული ადმინისტრაციის მონაცემებით, 2025 წელს ჯამში სპარსეთის ყურიდან ქვეყანას 276 244 ვიზიტორი ჰყავდა, რაც 6%-ით ნაკლებია წინა წლის მაჩვენებელზე. 2024 წელს 294 512 ვიზიტორი შემოვიდა.
სტატისტიკის მიხედვით, გასულ წელს ტურისტების წლიური ზრდა დაფიქსირდა ომანიდან (7.7%), არაბთა გაერთიანებული საამიროებიდან (0.7%),საუდის არაბეთიდან (9.1%) კატარიდან (4.6%), ხოლო შემცირება – ბაჰრეინიდან (-0.7%), ქუვეითიდან (-13.9%), ერაყიდან (-5.4%) და ირანიდან (-17.6%).
უფრო კონკრეტულად, საქართველოს ტურიზმის ეროვნული ადმინისტრაციის მონაცემებით, გასულ წელს სპარსეთის ყურის ქვეყნებიდან ტურისტული ნაკადები ასეთი იყო:
ომანი – 7964 ვიზიტორი
არაბთა გაერთიანებული საამიროები – 14 997 ვიზიტორი
საუდის არაბეთი – 96 340 ვიზიტორი
კატარი – 2 003 ვიზიტორი
ბაჰრეინი – 3 725 ვიზიტორი
ირანი – 120 068 ვიზიტორი …