შერეულ ორთაბრძოლებში წლის ყველაზე მასშტაბური ღონისძიების, თეთრ სახლში ჩასატარებელი UFC-ს ტურნირის ბრძოლები 8 მარტს გამოცხადდება, – ამის შესახებ ორგანიზაციის პრეზიდენტმა დანა უაითმა განაცხადა.
უაითის თქმით, უკვე იცის, იმ დაპირისპირებების შესახებ, რომლებიც 14 ივნისს ჩატარდება.
„მთელი ქარდი ახლა ჩემ თვალწინ არის, დაფაზე. არის ექვსი ბრძოლა, რომელიც თეთრი სახლის ღონისძიებაზე შედგება. შესაძლოა, მეშვიდეც იყოს, თუ დამატებას მოვახერხებთ. ჩვენ ბრძოლებს შაბათს (თბილისის დროით კვირას, 8 მარტს) გამოვაცხადებთ“, – აღნიშნა უაითმა.
UFC-ს შეხვედრების თეთრ სახლში ორგანიზება 60 მილიონი დოლარი დაუჯდება. ბრძოლების დროს ეზოში მაყურებლებისთვის 5000 ადგილი იქნება გამოყოფილი, ხოლო 80 000 ადამიანი შეხვედრებს ახლომდებარე Ellipse-ზე განთავსებულ ეკრანებზე მიადევნებს თვალს.
შესაძლოა, თეთრ სახლში იბრძოლოს ორგანიზაციის მსუბუქი დივიზიონის (70კგ) ჩემპიონმა, ილია თოფურიამ – მისი მეტოქე, დიდი ალბათობით, აღნიშნული წონის დროებითი ქამრის მფლობელი, ამერიკელი ჯასტინ გეიჯი იქნება.