აზერბაიჯანში 2 ირანული დრონის ჩამოვარდნის შესახებ აზერბაიჯანის საგარეო საქმეთა სამინისტრო განცხადებას ავრცელებს.
“5 მარტს, დაახლოებით შუადღისას, ირანის ისლამური რესპუბლიკის ტერიტორიიდან აზერბაიჯანის რესპუბლიკის შემადგენლობაში შემავალ ნახიჩევანის ავტონომიურ რესპუბლიკაზე განხორციელდა თავდასხმა უპილოტო საფრენი აპარატებით.
ერთი დრონი დაეცა ნახიჩევანის ავტონომიური რესპუბლიკის აეროპორტის ტერმინალის შენობას.
მეორე დრონი ჩამოვარდა სოფელ შაქარაბადში, სკოლის შენობის მახლობლად.
ჩვენ მკაცრად ვგმობთ ირანის ისლამური რესპუბლიკის ტერიტორიიდან განხორციელებულ ამ თავდასხმებს, რამაც გამოიწვია აეროპორტის შენობის დაზიანება და ორი მშვიდობიანი მოქალაქის დაშავება.
ეს თავდასხმა აზერბაიჯანის რესპუბლიკის ტერიტორიის წინააღმდეგ წარმოადგენს საერთაშორისო სამართლის ნორმებისა და პრინციპების დარღვევას და ემსახურება რეგიონში დაძაბულობის ესკალაციას.
ჩვენ მოვითხოვთ ირანის ისლამური რესპუბლიკისგან:
მოკლე ვადებში წარმოადგინოს მკაფიო განმარტება მომხდართან დაკავშირებით;
ჩაატაროს შესაბამისი გამოძიება;
მიიღოს აუცილებელი გადაუდებელი ზომები, რათა მომავალში თავიდან იქნას აცილებული მსგავსი თავდასხმების განმეორება.
აზერბაიჯანული მხარე იტოვებს უფლებას, მიიღოს საპასუხო ზომები.
აზერბაიჯანის რესპუბლიკაში ირანის ისლამური რესპუბლიკის საგანგებო და სრულუფლებიანი ელჩი, მოჯთაბა დამირჩილუ, დაბარებულია საგარეო საქმეთა სამინისტროში, სადაც ირანულ მხარეს გადაეცემა მკაცრი პროტესტი და შესაბამისი საპროტესტო ნოტა” – წერს აზერბაიჯანის საგარეო საქმეთა სამინისტრო გავრცელებულ განცხადებაში.
დრონების ჩამოვარდნის შედეგად, 2 მშვიდობიანი მოქალაქე დაშავდა.