დონალდ ტრამპის განცხადებით, ირანის მმართველი რეჟიმის ზოგიერთ წევრთან თანამშრომლობისთვის მზად არის.
Politico-ს კითხვაზე, გვიანია თუ არა იმის განხილვა, რომ ირანის რეჟიმის ახალ შემადგენლობასთან ითანამშრომლებს, აშშ-ის პრეზიდენტმა, დონალდ ტრამპმა უპასუხა, რომ „არა, გვიანი არ არის“.
„არ დაგავიწყდეთ, რომ ირანის რეჟიმის უმაღლესი რანგის 49 ლიდერი დაიღუპა. მაგრამ, ახალი პირები ჩნდებიან. ეს სამუშაო ბევრს სურს. ზოგიერთი მათგანი კარგიც იქნებოდა“, – განაცხადა ტრამპმა.
ასევე, მისი თქმით, ირანს რაკეტების გამშვები დანადგარების რაოდენობა ეწურება, ხოლო აშშ-ის შეიარაღების დიდი მარაგი აქვს.
„გამშვები დანადგარები ეწურებათ, რადგან მათი განადგურება მოხდა. ჩვენ უსაზღვრო რაოდენობის საბრძოლო მასალა გვაქვს. ჩვენი თავდაცვის კომპანიები მათ სწრაფად აწარმოებენ“, – აღნიშნა ტრამპმა.