“ნაციონალური მოძრაობის” ერთ-ერთი ყოფილი ლიდერი, მაია ნადირაძე სოციალურ ქსელში წერს:
“მე მგონი დროა, რომ სიტყვა ოპოზიცია ბრჭალებში ჩავსვათ.
ვის ოპონირებენ, ვის წარმოადგენენ, რას ჩალიჩობენ და საერთოდ რა ხალხია?! – ამ შეკითხვებზე პასუხებს თუ სწორად გავცემთ, ამ სიტყვის გამოყენებას მარტო ის დატვირთვა შერჩება, რომ გავარჩიოთ ხიხოსტანის პოლიტიკურ ავანსცენაზე ორი განსხვავებული მეთოდებით “მოღვაწე” ძალა… ფაქტია, რომ ორივე ხიხოსტანის მმართველობის გახანგრძლივებაში წარმატებულია. ერთი ღიად, გაცხადებულად მტრის მსახურია და მეორე, ამ აშკარა მტრის ლეგიტიმაციის უზრუნველმყოფელი.
სანამ აღშფოთდებით, ასეთ შეკითხვას გაეცით პასუხი:
1. ივანიშვილის ხელისუფლება უბრალოდ ცუდი მენეჯერია, ცოტა უვიცია და ამიტომ “შეცდომებს უშვებს” თუ, 2. – გამიზნულად მტრის, რუსეთის ოცნებების აღმსრულებელი?თუ პირველზე შეჩერდით, დატოვეთ აქაურობა და გაარკვიეთ საკუთარი ჯანმრთელობის ამბავი. და თუ მაინც მეორეა თქვენი ხედვა, მე ვეკითხები ყველას: როგორ თავსდება
ერთმანეთთან, როცა მტრის დესანტზე ამბობთ, ქვეყნის სახეაო?!
-რა პრეცენდენტი იცით, როცა სამშობლოს გამყიდველი, იმავე სამშობლოს პრესტიჟს გაუფრთხილდება?!
-სად გაიგეთ, წაიკითხეთ ან ეგებ ვინმე მოგიყვათ, რომ ვიშის რეჟიმთან წინააღმდეგობის ძალები სიამტკბილობაში იყვნენ.
რა თანამშრომლობა, რა საერთო ვოიაჟები, რა პრესტიჟი და საერთო მიზნები?!
ამ “იდეოლოგიის” დედ-მამა რომ ეს ხელუსუფლება რამენაირად წარმოადგენს საქართველოს ინტერესებს, ის ხალხია, გუშინ რომ ოლიგარქ(ებ)ს ოდებს და მადლობებს უძღვნიდა, მერე რომ “გამოფხიზლდა” და ბანაკი შეიცვალა და ახლა უთოს რომ ჩართავ ( “მთავარს” უეჭველი) იქიდანაც იმოძღვრებიან.
არასდროს ეს ხალხი არ ყოფილა ისტორიის სწორ მხარეს. აქა- იქ, ვითომ… მაგრამ ეს, აქა- იქაც იმისთვის იყო, რომ ფლანგი დაესუსტებინათ. სადმე შეძვრებოდნენ და იქ აფუჭებდნენ საქმეს. ახლაც, აქეთ მხარეს იმიტომ კი არ არიან, რომ გონს მოეგენ, არამედ იმიტომ, რომ სტრატეგიულად უმჯობესია აქეთა ფლანგის მენტორები იყვნენ. მათი რიტორიკის, პოლიტიკური შეფასებების შედეგია ის, რის გამოც საზოგადოება გაუბედავი, შეშინებული, დაქსაქსული და ფრუსტრირებულია. მათი ამოცანაა, საზოგადოებას თავს მოახვიონ “პოლიტ- დახვეწილობაში” შეფუთული აბსურდი, მის ტირაჟირებაში მოეხმარონ და ტრენდული გახადონ მორიგი სიბრიყვე. ისეთები როგორიც იყო, ზვიადი ფაშისტია, შევარდნაძე ხსნა, მიშა გიჟი, ივანიშვილი გადამრჩენი, და ახლა “ კოლექტიური პაპუაშვილი საქართველის პრესტიჟის დამცველი”… მერამდენედ შვებიან ამას და მერამდენედ მიყვება ხალხი ამ გზას უფსკრულისკენ.
აქ რომ ჭკუის სწავლებას დამიწყებენ იმათთვის: “ახლა ამის დრო არაა” – ეს არის დევიზი სწორედ იმ კატეგორიის ხალხის, რომლის გამოც 10 წელია წაგების და მარცხის გარდა არაფერი გვინახავს. 10 წელია ჩუკენობითაა დაკავებული სრულიად ერი.
არაფერია სიმართლეზე კარგი იარაღი.
ამ სივრცეში, უმრავლესობა, მათ შორის “ მორალისტი- ესთეტებიც”არესტოვიჩით არიან აღფრთოვანებულები (მეც!) და, ის რომ სიმართლეს ტაფასავით ირტყმევინება, ეგ ძალიან მოგწონთ და აქ რომ ვინმემ რამე მიახლივებულად თქვას, წალეკავთ, ჩააქვესკნელებთ.
ხოდა, ყველაზე აშკარა სიმართლე ის არის, რომ ქვეყანას მართავს აგრესორის და ოკუპანტის ხელქვეითი. ის მას ემსახურება და არა – ჩვენ!
და ყველა ვინც ამ ხელქვეითს ეფარცქვალება (ღიად თუ შეფარულად), მისი ხანგრძლივობის გარანტია. გინდა ნაცი იყოს, და გინდა შმანცი”, – წერს ნადირაძე “ფეისბუქი” – ს პირად გვერდზე.
1,248 ნახვა
