„ბარსელონამ“ სამწლიანი კონტრაქტის დეტალები შეათანხმა ფორვარდ მარკუს რეშფორდთან. ინგლისელი ფეხბურთელი მოლაპარაკებებისას ხელფასის შემცირებას დათანხმდა, – დაწერა გამოცემა Sport.es-მა.
რეშფორდის ამგვარი ნაბიჯი განპირობებულია იმით, რომ გარიგება უნდა შეესაბამებოდეს ლა ლიგის ფინანსური ფეარ პლეის წესებს, რომელიც წინაღობას წარმოადგენს „ბარსელონას“ სატრანსფერო დაგეგმარებაში. ინგლისელი ფეხბურთელის ტრანსფერის გეგმა საბოლოოდ შეთანხმდა კატალონური კლუბის სპორტული დირექტორის, დეკუსა და ფეხბურთელის აგენტს შორის შეხვედრაზე.
შემდეგი ნაბიჯი იქნება ფინანსური დეტალების დაზუსტება „მანჩესტერ იუნაიტედთან“. „ბარსელონა“ აპირებს, გაააქტიუროს პუნქტი გამოსასყიდ თანხაზე 30 მილიონი ევროს ოდენობით, რათა ფეხბურთელი ზაფხულში გადაიბიროს. კატალონელები გეგმავენ, ტრანსფერის თანხა ინგლისურ კლუბს სამი 10-მილიონიანი ტრანშით გადაუხადონ.
ამ სეზონში რეშფორდმა „ბარსელონაში“ ყველა ტურნირზე 34 მატჩი ჩაატარა, 10 გოლი გაიტანა და 11 შედეგიანი გადაცემა შეასრულა.