აშშ-ის სამხედრო ოპერაციის ფარგლებში, ირანში კიდევ ერთი ამერიკელი სამხედრო დაიღუპა – ინფორმაციას ამერიკის ცენტრალური სარდლობა ავრცელებს. მათივე ცნობით, სამხედრო მოსამსახურე ოპერაციის “ეპიკური რისხვა” ფარგლებში დაშავდა და მიღებული დაზიანებების შედეგად მოგვიანებით გარდაიცვალა.
ირანის წინააღმდეგ მიმდინარე სამხედრო ოპერაციის ფარგლებში სამი ამერიკელი სამხედროს დაღუპვის შესახებ აშშ-ის ოფიციალურმა პირებმა, მათ შორის პრეზიდენტმა ტრამპმა, გუშინ განაცხადეს.