“მეშინია თვითმფრინავში არ ითრიონ ერთმანეთი და ტრაპიდან არ გადმოცვივდნენ” – სტეფანე მღებრიშვილი

საქართველოს საპარლამენტო დელეგაციის უკრაინაში წასვლის საკითხს სოციალურ ქსელში მომღერალი სტეფანე მღებრიშვილი სოციალურ ქსელში ეხმაურება:

“ბოლოს მეშინია იმ დელეგაციამ თვითმფრინავში არ ითრიონ ერთმანეთი და ტრაპიდან არ გადმოცვივდნენ ერთმანეთის თრევით. სულ არ გავმაიმუნდეთ იმ უკრაინაში”, – წერს მომღერალი “ფეისბუქი”-ს პირად გვერდზე.

ცნობისთვის, 8 აპრილს საქართველოში უკრაინის ელჩის მოვალეობის შემსრულებელმა ანდრი კასიანოვმა განაცხადა, რომ უკრაინის რადის თავმჯდომარემ, რუსლან სტეფანჩუკმა საქართველოს პარლამენტის თავმჯდომარეს ბუჩაში ჩასვლის მიწვევა გაუგზავნა. მიწვევასთან დაკავშირებით მხარეებმა რამდენჯერმე გაცვალეს საჯარო და წერილობითი პოზიცია. “ქართული ოცნება” შალვა პაპუაშვილის უკრაინაში ვიზიტთან დაკავშირებით რამდენიმე წინაპირობას აყენებდა. საბოლოოდ გადაწყდა, რომ საქართველოს პარლამენტის თავმჯდომარე უკრაინაში გაემგზავრება.

რამდენიმე ოპოზიციურმა საპარლამენტო პარტიამ, მათ შორის “ლელომ”, დაადასტურა, რომ უკრაინაში უმრავლესობასთან ერთად ვიზიტი შედგება. ჯერჯერობით უცნობია ერთიანი ნაციონალური მოძრაობის პოზიცია.

პარლამენტის თავმჯდომარე შალვა პაპუაშვილმა, უკვე მოუწოდა პოლიტიკურ ჯგუფებს, რომ დღის ბოლომდე წარადგინონ უკრაინაში წამსვლელთა ზუსტი სია.

იმ შემთხვევაში თუ ენმ უმრავლესობის დელეგაციასთან ერთად წასვლაზე უარს იტყვის, მათ კვოტას “გირჩები” შეავსებენ და უკრაინაში დეპუტატი იაგო ხვიჩია წავა.

საპარლამენტო დელეგაცია საქართველოდან უკრაინაში პარასკევს, ან შაბათს, შალვა პაპუაშვილის ხელმძღვანელობით გაემგზავრება.

 1,104 ნახვა