ისრაელის დარტყმების სამიზნეებს ირანის უზენაესი ლიდერი და ირანის პრეზიდენტი წარმოადგენდნენ – დარტყმების შედეგები ჯერჯერობით უცნობია – აღნიშნულის შესახებ ინფორმაციას გამოცემა The Times of Israel-ი ავრცელებს.
გამოცემას ისრაელის ოფიციალურმა პირმა განუცხადა, რომ დღეს დილით განხორციელებული დარტყმების სამიზნეები ირანის უზენაესი ლიდერი, აიათოლა ალი ხამენეი, პრეზიდენტი მასუდ ფეზეშქიანი და ასევე, სხვა მაღალი რანგის სამხედრო მეთაურები იყვნენ.
მანამდე, ირანულმა მედიამ ინფორმაცია გაავრცელა, რომ ქვეყნის პრეზიდენტს, მასუდ ფეზეშქიანს საფრთხე არ ემუქრება, ხოლო აიათოლა ალი ხამენეი უსაფრთხო ლოკაციაზეა გადაყვანილი.